SHILLONG: Garo Hills Autonomous District Council (GHADC) election-o Tribal ong·gijagipa manderangni bak ra·paaniko jegale batanggimin somoirango so·sojengjeng ong·anirangko nikna man·ahani gimin GHADC election-ko ong·atna skang, pilak meligrikgijani aro neng·nikanirangko namatchengna nanggen ine United Democratic Party (UDP)-ni general secretary Titosstarwell Chyne parakataha.
Chyne-ni aganani gitade, GHADC-o ning·tugipa neng·nikanirangko skangonin namatchipjahani a·selsa da·alo so·sojengjeng ong·anirang ong·kataha aro ia neng·nikanirangko namatchenggija election-ko ong·atgenchimode apsan daken so·sojengjeng ong·anirangko nikpiltaina nangaigen.
GHADC election-ko ra·doani bidingo sing·anirangna aganchakaniko on·angengon, da·o dipet GHADC election-ko ong·atna obostarang namsrangkujaenga aro iandakgipa obostao election-ko ong·atgenchimode ian ong·gija ja·ku de·aniko mesokanisa ong·aigen ine UDP-ni general secretary parakataha.
GHADC election-ko ra·doani bidingo UDP-de maming jegalanirang dongja ine janapatskaengon, GHADC election-ko ra·dona skang district administration, Garo Hills-o ong·enggipa obostarangko nichengesa nanga gita ja·kuko de·aha ine Chyne parakataha.
Shillong Parliamentary by-election-na candidate-ko seokani bidingo janapatskaengon, da·o dipet candidate-ko seokani bidingo chanchirimna gita UDP-ni dilgiparang tom·aniko ong·atkuja aro mamingkon chanchia dongkuja ine UDP-ni general secretary parakataha.
GHADC election-na skang neng·nikanirangko namatchengna nanga: UDP
Date:
Share post:
