TURA: Garo Hills Autonomous District Council (GHADC)-ni gital Executive Membor (EM)-rangna Mongolbar salo GHADC-ni Chief Executive Membor (CEM) Dhormonath Ch Sangma, portfolio-rangko sualataha.
Iani bidingo u·iataniko on·atengon, Assam & Meghalaya Autonomous Districts (Constitution of District Councils) Rule 1951 (As Amended)-ni Rule 31 ning·o donggipa Sub-Rule (1)-o pangchake, Executive Committee-ni membor-rangna dingtang dingtang department-rangko sualatenga ine GHADC-ni CEM parakataha.
Portfolio-rangko sualatanio GHADC-ni CEM an·tangna, General Administration, Finance, Parliamentary Affairs, Posting, Transfer, Promotion & Training baksana gipin EM-rangna on·gijagipa kamrangko ra·rikaha. GHADC-ni Deputy CEM Stevie M Marak-na Taxation, Art & Culture aro Sports & Youth Affairs-ko on·e, EM Arbinstone B Marak-na Land & Revenue-ko on·aha.
EM Grahambell A Sangma-na Civil Works, EM Henen R Sangma-na Forest, Water Conservation & Catchment Area Development & Jhum Control, EM Sengbath R Marak-na Agriculture, Ferry Ghats & Fisheries, Water Works, EM Crozier G Momin-na Haat, EM Ashahel D Shira-na Tourism, Reformation & Coordination, EM Nehru D Sangma-na Rural Development, Sand Market aro Brick Market, EM Cherak W Momin-na Rural Administration, Resource Mobilisation, Cattle Feeding, Custom & Usage aro Inter State Boundary Dispute Matters aro bon·kame EM Alphonsush R Marak-na Transport, Printing & Stationery, Relief & Rehabilitation aro Administration of Justice-ko on·angaha.
