SHILLONG: Meghalaya a·doko chadamberangni drugs ba pekatgipa sam jakkalaniko warachakna gita dingtangmancha kal·susaani aro songsalni dingtang dingtang program-rangko ong·atna dakchakanirangko aro tangka paisarangko on·china Tura-ni MP Saleng A Sangma, Union Social Justice & Empowerment Minister Dr Virendra Kumar-ko didiataha.
Iani bidingo Union Minister-na seachi u·iatengon, a·doko manderangni, mongsongbate chadamberangni drugs jakkalanirang batroroengani a·sel songsalna aro chadamberangni an·seng baljokanio nangchakeaniko ra·baenga ine Sangma parakatenba, a·doko drugs jakkalgiparang batroroengani a·selan HIV man·giparangba batroroenga ine janapataha.
India a·songo HIV man·giparangoni 0.43 percent-ni gitade Meghalaya a·dokon ong·enga aro HIV man·batgipa a·dokrangoni dokgipa ong·enga ine janapatengon, chadamberang biji su·gipa drugs ba pekatgipa samrangko jakkalengani a·selan HIV man·giparangba batroroenga ine Tura MP parakataha.
Drugs jakkalani namgijaniko u·iatanirang komikuengani a·sel, drugs jakkalgiparangko galchipengani a·sel aro sanchakram biaprang chu·onga gita dongjani a·sel manderang, mongsongbate chadamberang, agan-ku·pattianirangko aro somoi gita sanna bananirangko man·jaenga ineba Sangma parakataha.
Chadamberang ong·gija ramarango dilsreta man·jana gita kal·susaani aro uandakgipa kamrango somoi re·atna man·na gita cholrangko dakchake nangengani giminba Tura MP janapataha.
Youth Affairs & Sports Ministry aro Development of North Eastern Region (DoNER) Ministry baksa nangrime, chadamberangna kal·susaani aro uandakgipa kamrangko a·bachengate on·na man·gen ineba Sangma didiataha.
Kal·susaanirang donggipa kamrangko drugs jakkalgipa manderangko namatpilna ra·gatanichi a·doko drugs jakkalaniko warachakna, sanna banna aro chadamberangko namgipa kamrango bak ra·atna man·gen ineba Sangma, Union Minister-na sedoatgipa chittio parakataha.
A·doko drugs jakkalaniko warachakanio ma·mongni dakchakaniko Tura MP bi·a
Date:
Share post:
