TURA: Gue badinggiparangoniko Assam aro Meghalaya a·dok damgnini sima jolo donggipa Borjhora aro Rongsai bibrarango badiaba dolrang, niam gri tangka gile ra·engani a·sel gue badinggiparang noksan ong·na nangenga ine Pedaldoba-ni dingtang dingtang dolrang, West aro North Garo Hills a·jani Deputy Commissioner-rangna badi ka·doataha.
Pedaldoba NGO-rangni parakatani gitade, ia jolrango badiaba badiaba dolrang, gue badinggiparangoniko walni somoirango, truck bolprakon gong 100 ka·e gilenga aro iani a·sel gue badinggiparang noksan ong·na nangtokenga.
“Bang·a gue badinggiparangan chingna sakkirangko ra·baaha aro ia ramarango niam gri tangkarangko gile ra·engani a·sel ian jolo songdongenggipa manderangna aro bading chiwalgiparangna neng·nikanirangko ra·baani gita ong·enga,” ine Pedaldoba-ni dingtang dingtang dolrang parakataha.
Iani bidingo ta·raken sandirokatchina aro ia ramarango niam gri tangka gile ra·enggipa dolrangni kosako rakgipa ja·kurangko de·china gitaba Pedaldoba-ni NGO-rang, West aro North Garo Hills a·jani Deputy Commissioner-rangko didiataha.
Gue badinggiparangoniko niam gri tangka gilenga ine NGO-rang badi ka·a
Date:
Share post:
