SHILLONG: Mission Education-ni brigipa bakni ning·o a·dok sorkari, dam 680 gital skul nokrangko, a·dokni dingtang dingtang biaprango rikna tik ka·aha ine a·dokni Education Minister Lahkmen Rymbui parakataha.
Education Minister-ni parakatani gitade, ia skul dam antian gong lak 70-mang ka·e tangka paisarangko man·na ka·dongenga.
Bristibar salo, Darang LP skulna gital rikgipa nokko nokdonggae on·angani somoio iako Education Minister parakataha.
A·dokni dingtang dingtang skul nokrangko namdapatengani gimin janapangengon, Mission Education-ni ning·o dingtang dingtang program-rangko ra·gataha aro ia gital rikgipa skul nokba Mission Education-ni gittamgipa bakni ning·o rikgipa skulan ong·a ine Rymbui parakataha.
2018 bilsi intal a·doko lekka porani kamrangko namdapatna gita a·dok sorkarini ja·ku de·anirangkoba Education Minister janapangaha.
A·dokni Chief Minister Conrad K Sangma baksa chanchirimani ja·man, skul nokrangko namdapatna, skigiparangni nanganirangko chu·sokatna, policy-ko tarina aro chatro chatrirangna lekka porako nambate on·na ja·ku de·aha ineba Rymbui aganaha.
Ia Education Mission-ni dingtang dingtang bakrangoniko Amlarem constituency-ba dam 8-oni dam 11 gital skul nokrangko man·na ka·dongsoenga ineba Rymbui aganaha.
Ia gital skul nokko nokdonggae on·anganio a·dokni Education Minister, SRWP 2025-26-ni ning·o on·gipa computer room-koba pakwate on·angjolaha.
Mission Education-ni ning·o dam 680 gital skulrangko rikna manchia
Date:
Share post:
