SHILLONG: India sorkarini Jal Shakti Ministry ning·o donggipa Drinking Water & Sanitation Department-ni National Jal Jeevan Mission, aro Meghalaya sorkarini gisepo dingtangmancha video conferencing gita Memorandum of Understanding (MoU)-o soi ka·grikangaha aro ia soi ka·grikanio, Union Jal Shakti Minister CR Patil aro a·dokni Chief Minister Conrad K Sangma-ba internet gita bak ra·angaha.
Ia MoU-ara, water supply scheme-ni kamrangko ka·ani ong·a aro ia soi ka·grikanichi, Meghalaya a·dokni water supply scheme-rangna ma·mong sorkari, tangka paisarangko watatna sienga.
Meghalaya sorkarini pal, PHE department-ni Commissioner & Secretary Pravin Bakshi, MoU-o soi ka·angaha.
Ia soi ka·grikanio video conference gita bak ra·angengon, MoU-o soi ka·grikahani gimin a·dokni official-rangko aro ma·mong sorkariko mittelpilangenba, Jal Jeevan Mission-ni ning·o a·dok sorkari, nokantinan namgipa ringani chirangko on·na kam ka·enga ine parakataha.
Songadam nokadamrango donggipa nokdangrangoni 83 percent-na JJM-ni ning·o chirangko sale on·na man·aha ine janapatengon, JJM-ko somoi gita chu·sokatna a·dok sorkari, ma·mong sorkari baksa nangrime kamrangko ka·angkugen ine Chief Minister, ku·rachakaniko on·angaha.
Water policy-ko pilaknan man·gope tarina nangengani gimin janapangengon, a·dokni pilak biaprangon chiring chibisikrangko tangatpilna gita sorkari kamrangko ka·enga ine Chief Minister aganaha.
Ia tom·anio, Union Jal Shakti Minister CR Patil-ba aganprakatengon, a·songni ki·tikbrionan ringani chirangko sokatkujaskalde Prime Minister-ni Viksit Bharat-na niksamsoani chu·sokgipa ong·na man·kujawa aro JJM-ni ning·o program-rangko name chu·sokatna gita India sorkari raken kamko ka·enga ine aganangaha.
Ma·mong sorkarini G-RAM-G aro dingtang dingtang scheme-rangni giminba Patil ia tom·anio agan-talatanirangko on·angaha.
Water Supply Scheme-na a·dok sorkari, NJJM baksa MoU-o soi ka·grika
Date:
Share post:
