SHILLONG: Meghalaya a·doko drugs ba pekatgipa samrangko jakkalgipa chadamberang batrorobaengani gimin Tura-ni Lok Sabha MP Saleng A Sangma, an·tangni suk ong·gijaniko parakatenba, a·doko pekatgipa samrangko jakkalgipa chadamberang da·o lak gittam batpilengaha ine janapataha.
A·doko pekatgipa samrangko jakkalgipa chadamberangni ta·rakbee batroroenganiara, a·dok gimiknan jajrengna nangani ong·enga ineba ua aganaha.
“Da·aloba an·chingni gisepo drugs-ko jakkalgiparang ta·raken batrorobaenga aro ian namen kragijani ong·a,” ine ua aganaha.
Iani bidingo ua changni chang ma·mong sorkari baksa agangrikaha ine janapatengon, a·doko pekatgipa samrangko jakkalanirang batroroengani gimin iandakgipa kamrangko champenganio dakchakanirangko on·china gita ua Parliament-oba ku·rang on·aha ine Sangma aganaha.
Drugs jakkalgipa chadamberangna sanna bananirangko on·na aro pilak nanga dakchakanirangko on·na gita ua ma·mong sorkarina sedoataha ineba Tura MP aganaha.
“Iani bidingo anga baditaba chang ma·mong sorkarina sedoataha aro Parliament-o chanchirimanirangoba anga ku·rangko on·aha,” ine Sangma aganaha.
Ma·mong sorkarioni adita aganchakanirangkode ua man·soaha indiba badita tangka paisarangko on·ataha aro baditako jakkalaha iani giminde ua talbrekujaenga ineba Tura MP parakataha.
A·doko drugs jakkalaniko champengna gita badita tangka paisarangko chamataha aro baditaba kingking tangka paisarangko name jakkalenga iani giminba ua maming kobor dongkujaenga ineba ua aganaha.
A·doko drugs jakkalgipa chadamberangni batroroenganiara kamgri ong·e dongna nangani aro kam ka·e cha·ani cholrang dongjani a·selba ong·enga ine janapatengon, iani bidingo somoi gita ja·kurangko de·jagenchimode mikkangchiba a·dokni chadamberang, indakgipa kamrangkon ka·angkuaigen ine Tura MP parakataha.
‘Drugs’ jakkalgipa chadamberang batroroenganina Tura MP suk ong·gijaniko paraka
Date:
Share post:
