AMPATI: Sombar salo, District Project Management Unit (DPMU)-ni gita Meghalaya Basin Management Agency (MBMA)-ni ning·o sustainability workshop-ko Ampati-o donggipa BADO MFC Hall-o ong·atangaha aro ia workshop-ko ong·atanio, South West Garo Hills a·jani dol 32 Integrated Village Cooperative Society (IVCS)-rangoni sak 168 membor-rang bak ra·angaha.
Program-ko a·bachenganio, MBMA-ni District Project Manager Grikseng Ch Marak, rimchaksoani kattarangko aganangaha aro technical session-rangko MBMA-ni Manager (Finance) Roshan P Srivastava dilangskaaha.
Ia workshop-ko ong·atanio, IVCS-ni membor-rangna rural finance, gender sensitization, group presentation aro interactive discussion-rangko ong·atangaha.
IVCS-rangko nambate chalaina man·na gita jaantini report-ko on·ani aro data-rangko chimongani giminba session-ko ong·atangaha.
Bon·kamao bak ra·gipa IVCS-ni membor-rangna certificate-rangko suale ia workshop-ko matchotataha.
