SHILLONG: Secondarya aro Higher Secondary school-rangna chanchina nangani mamlao dingtangmancha grant-in-aid-ni provision-o kam ka·ani chu·songgijani bidingo Meghalaya Schools Welfare Development Association (Central Body) suk ong·gijaniko parakataha.
Higher Secondary school-rang, ge-29 sorkari skulrang, dificit skulrang ge-17 aro adhoc skulrang ge-69 donga. Secondary school-rang, 2009 bilsini ja·man deficit skulrang ge-121 donga, ine Directorate of School Education and Literacy (DSEL) parakataha. Aro indakeba japataha, ge-382 adhoc skulrang Science Grant-ko man·soenga aro ge-219 skulrang Science Grant-ko general subject teacher-rangna adhoc grant ka·a gri man·soenga ine agangipa kattarangna aganchakaniko MSWDA president H.M Marbaniang-ni parakataha.
2025 bilsini April 4 tariko Education Minister-na skangan Association Memorandum-ko on·aha aro uni ja·man joljol 2025 bilsini April 7 tariko Chief Minister-na-ba on·angaha, 2025 bislini October 13 tariko tom·aniko ong·atna lekkako on·angaha aro grant-in-aid-ko permit skulrangna on·china namnike ra·bagipa proposal-ni bidingo 2025 bilsini October 28 tariko kinggipin lekkako see on·aha ine ua aganaha.
Ia proposal-rangko DSEO aro DSEL-ni gita on·angaha indiba iako ja·mano ma·siangaha, secondary skulrang Science Grant-mangmangkosan man·soenga aro 2013-24-na skang sakgipin teacher-rangna adhoc grant-in-aid-ni ning·o dakchakaniko on·angna nanga. Bang·a permit donggipa skulrang Science Grant-na dorgastor-rangko galahachim, indiba 2014 bilsionin secondary school-rangna grant-in-aid-ko skulrang man·soa dongkuja ine ua agandapangaha.
Permit donggipa secondary aro higher secondary school-rang dingtangmancha songadam aro chonchongipa jilarango manderangni tangka paisarangna neng·nikani a·sel dingtang dingtang dakgipa neng·nikanirangko chagrongenga, jeon porikka sena fees-rangko gamna nanganio ma·gipa pagiparang neng·nikaniko man·enga. Poraiani gadangko namdapatna nangchongmotenga, school-rangni chalaianiko porikka result-rangchin ma·sina man·enga ine ua agandapangaha aro man·a kragipa secondary aro higher secondary school gimikna grant-in-aid-ko on·china sorkariko ua mol·molangaha.
Association-ni general tom·aniko 2026 bilsini April 6 tariko Shillong-ni Mawkhar-ni Khasi National Durbar Hall-o pring 11 bajioni a·bachengatgen ine Marbaniang u·iataha. SSA (Non-NOC school-rang) aro chalaianiko pakwatangna sikgijagipa skulrang-ko man·chape dingtang dingtang mamlarango agangrikanggen.
Dakchakani gita tangka paisarangko man·sogijagipa aro permit donggipa higher secondary aro secondary school-rangni SMC-rangni Presidents/Secretaries, Principals/Headmistresses/
Kosako janapgipana agreba, ia skulrang baksana Lower Primary School (LPS) ge-835, ge-709 Upper Primary School (UPS) chu·gimik a·doko ge-1,544 skulrang donga, Garo Hills-o ge-10 aro Khasi aro Jaintia Hills-o ge-1,434 donga, ine ua aganaha.
Mongsonggipa chanchina nanggipade school category-rang aro bangbang biap dongenggiparangna skigiparang rakkiangani gimin ong·gen, mitam skulrango saksa ba sakgni dake gital teacher rakkigiparangkoba dondipataha, ine ua aganaha.
Meghalaya Schools Welfare Development Association, grant-in-aid-ni bidingo chanchirimgen
Date:
Share post:
