CM Conrad, rally-ko dilanggen
Boko: Boko-Chaygaon Constituency-ni ning·o ga·akgipa Bongaon-ni Santi-Nijora Club -ni meeting hall-o April 6 tariko ong·atnasienggipa dal·begipa election-ni rally ba tom·anio Meghalaya-ni Chief Minister Conrad K Sangma aro National People’s Party (NPP)-ni National President Conrad K Sangma, jinma manderangna aganprakanggen, una party-ni dilgiparang aro supporter, tarisoenga. Ian Assam Assembly election-na party-ni organisation-ko bilakatna re·mikkangani ong·a.
Rally-na tarisoanirangko NPP-ni dilgiparang- Bajengdoba-ni MLA Pongseng R. Marak, Manipur-oni NPP National vice-president I. Hemochandra Singh- uamang Boko-Chaygaon-ni candidate Ganseng B Sangma baksa nirokeaha.
Santipur songona Northeast-ni star campaigner-rang Ganseng B Sangma-na campaign ka·na gita sokangaha. Jeon songni dilgiparang aro A·chikrang bang·en bakko ra·ange candidate-na chakpaaniko mesokangaha.
Tom·anio jinma aganprakataon MLA Pongsing Marak, P.A Sangma sagini batanggimin bilsi 2012-o NPP-ko bikotani gimin maia miksonganio bikotahachim iarangni gimin aganangaha. Indake party-ko Meghalaya-osan ong·aigja gipin a·dorakngona Manipur, Nagaland, Arunachal Pradesh aro da·o Assam-ona a·palatna miksonganiko parakaha. Indake jolni manderangko party-ni candidate Ganseng Sangma-na chakangpachina didiaha.
Uni gisepon NPP-ni National Vice-President I. Hemochandra Singh, ‘Ganseng Sangma-na ticket on·e party, Assam-ni election-ko ga·tapaha ine aganaha.
Sombar salo CM Conrad Sangma, rally-ko dilanggen. Iana party worker-rang tarisoenga.
