SHILLONG: Chadamberangko politics-o bak ra·china didie NCP-ni National youth president Dheeraj Sharma, Autnomous District Council (ADC) election-o chadamberangna reservation-ko dongchina aganaha.
Ia mamlako nakatate Sharma, iani bidingo central leadership baksa agangrikgen ine aganaha. Meghalaya-ni ADC-o chadamberang bak ra·na nangenga ine janape uamangna cholrangko on·na nangnikaniko janapaha. National Congress Party (NCP), chadamberangko sorkariko rikanio bakrimaniko bariatna miksonga.
NCP, skang salrangonin chadamberangko politics-o bakrimatna agangronga indiba da·ode ADC-rangoba bakrimaniko nikna sikenga ine janape Sharme, chadamberangna local governance-o cholrangko on·china agan-ku·pattiaha. Chadamberangko bilakatna miksonge NCP, Meghalaya-ona re·bapiltaina miksongenga. Iarangni gisepon Dharma, a·doko chadamberangni kamgri ong·ani aro drug jakkalanirang batrikrikengani mamlarangko nakatataha.
NCP Youth State Convention-ko ong·atao bakko ra·e aganprakmitingo Sharma, indine aganaha, ‘NCP-ara Meghalaya-o gital party ong·ja, skangonin donga. Ia tom·aniko ong·ataniara party-ko ja·pang-ja·diloni bilakattaina aro party-ona bang·bate manderangko mongsongbate chadamberangko rimbana ong·a.
Meghalaya-oni bang·a niksenggipa dilgiparang, party youth wing-oni nakatgiparang ong·a ineba aganaha.
Iarangni gisepon Sharma, a·doko healthcare aro education sector-o infrastructure-rang komiani giminba aganaha. Chu·onga gita hospital, school aro college-rang dongjani a·sel chadamberang a·dokni a·palona ong·katna nangenga ine aganangkuaha.
NCP, Meghalaya-ni ADC election-o chadamberangna cholko on·china dabia
Date:
Share post:
