SHILLONG: A·doko ka·enggipa development project aro niam retirangko ja·rikani bidingo namnikgija ba sing·doanirangna sorkari, agangrikna nangnikaniko Deputy Chief Minister Prestone Tynsong janapaha.
Iani bidingo kobor ra·timgiparang baksa agangrikmitingo Tynsong, indine aganaha, “kam ka·anirango jegalani ba namnikgijanirang dongaon uarangko namatna agangrikna nangchongmota. Jedakgipa neng·nika ba meligrikgijanirangko agangrikachi namatna ama. Darang mandean chu·sokgipa ba krasrangggipa ong·na man·ja, indiba chu·onggija ba namnikgijanirangko agangrikachi namatna man·a.
Uandake a·doko niam-retirangko ja·rikanio chu·sokgijanirang donga ine matnanganina aganchakengon Tynsong indine agandapaha, “da·o bilo donggipa MDA sorkariko a·doko golmal ong·anirangko nirok-simsakna bilsokjaenga ine matnanga, iarango Chief Minister Conrad K Sangma, Deputy Chief Minister Sniawbhaland Dhar aro gipinrang agangrikna do·gako oe dona, jeba agangrikna re·bana man·gen ba agan-ku·pattie on·na man·gen.
Sorkari, a·dokni manderang baksa mikaknggrike agangrikna pangnan tarie donga ine aganaha.
