Mikrake dongchina an·pagipa dist-rangko mikrakata
SHILLONG: Songsul Bangladesh A·songo uri se·ep sabisio jasani gisepon sak 100 batpile bi·sarang siengahani gimin, Bangladesh baksa an·pachake donggipa district-rango mikrake dongchina gita Meghalaya Sorkari ge·etataha.
Unomitingo, Bangladesh baksa an·pae donggipa pilak district administration-rang baksa sorkari kobor ra·grikenga ine a·dokni Health and Family Welfare Minister, Wailadmiki Shylla aganaha.
A·doko da·o dipetode uri se·ep sabi man·gipa dongkuja, unigisepon uri se·ep sabisina mikrake ba tarie dongsochina gita Health Department, sepangjolni district-rangko u·iataha.
