TURA: Sukrobar salo, dakgrik dinggrikarangni somoio rang·gitik a·sel obostarangni bidingo manderangni gisepo mikrakataniko bilakbatatna miksongao, Air Raid aro Blackout -ni bidingo statewide mock exercise-ko dakangao West Garo Hilla a·jani Tura-oba chu·sokgipa ong·e dakangaha.
Ia mock exercise-ko ge·gni phases dake ong·atangengba, skanggipao phase-ko Tura-ni Pechon Memorial Higher Secondary School, Gorkha Secondary School aro Tura Super Market-o, West Garo Hills a·ani, Civil Defence-ni Deputy Controller-ni dilanganichi, naljokgipa biaprangona ong·kate kattani cholrangni bidingo drill-ko dakangaha, aro iano jolni manderang, institutions aro gittimantini Development Committees-ni dilgiparang, dokkan malik, Nokma-rang aro educational institutions baksana official-rang apsan bakko ra·angtokangaha.
Indake attamchipak gnigipa phase-ko dakangskae rang·gitik bobil dolrangni kosakgita missiles ba ugita gipin bomb-rangchi chadrapanio naljokanina mikrakataniko dakange, blackout exercise chongmotan bijoli-rangko kimitangaha.
Ia mock drill-ko ong·atangani bidingo Official-rang talatangengon, ian rang·gitik obostarangko chagrongna nangao manderangni gisepo naljokani cholrangna mikrakataniko on·naniko namdapatanina aro iandakgipa somoirango songsalni manderangni authority-rang baksa nangrime kamrangko ka·aniko namdapatna miksonge ong·atanganian ong·a ine aganaha.
Apsandake, South Garo Hills a·jaoba Civil Defence Air Raid Blackout Mock Exercise-ko Baghmara-ni damgittam biaprang, Captain Williamson Memorial Government College, Rangku Memorial Girls Secondary School aro Baghmara-ni Water Resources Office-o ong·atangaha aro ia mock exercise-o Police, Civil Defence Volunteers, Home Guards, aro DDMA-ni volunteers, Line Department baksana jolni manderang bakko ra·angaha.
