WILLIAMNAGAR: Meghalaya a·doko kamko on·enggipa aro kam ka·atenggipa nokgiparang, gipin a·dokoni re·bae kam ka·giparangko biming segatna nangchongmota ine Meghalaya Identification and Registration (Safety & Security) Act, 2020-o pangchake ge·etaniko on·aha. Kam ka·giparang aro songdonggipa dolgnian naljoke aro tom·tome dongna man·na gita a·paloni re·bae kam ka·giparangko biming segatchina gita East Garo Hills, Deputy Commissioner mikrakataha.
Migrant Worker ba Meghalaya a·dokoni ong·gija a·palchini kam ka·giparangko rimbae kam ka·atengipa nokgiparang ba rakkigiparang, online portal www.investmeghalaya.gov.in –o nanggipa lekkarang jedake Aadhar, EPIC, PAN card aro photo-ko on·e bimingrangko segatna nangchongmota. Jemangan online gita ka·na sikjachim uamang Labour Department ba Deputy Labour Commissioner-ni office-o, uamangni bimingrangko segatena man·gen ineba u·iataha.
Naljoke dongna man·na gita niamko namedake ja·rikchina didiengon, on·gimin niamrangko ja·rikjaode daiko gamna nanggen. Kam ka·giparangko biming segatjaode tangka gong 5000-oni gong 1,00,000-ona daiko gamna nanggen aro unbaksana niamko maniangkujaode pattoko donatako man·gen. Apsandake biming segatgija kam ka·atgiparangba dai gamna nanggen. Iasan ong·aigija a·palchini re·bae kam ka·giparangko saoba ka·mikkenataniko on·ode niamo pangchake sasti on·ako man·gen ineba East Garo Hills, Deputy Commissioner mikrakataniko on·aha.
EGH-o, gipin a·dokoni re·bae kam ka·giparangko biming segatchina didiata
Date:
Share post:
