SHILLONG: Meghalaya Legislative Assembly tom·ao Reservation Policy-o chanchina nangchongmotgipani bidingo agangrikna nangako a·dok sorkari gelronga ine opposition dol Voice of the People Party (VPP) matnangaha.
A·dokni Reservation Policy-o Expert Committee-ni report-o sorkarini gita mejamangmang party gimik tom·aniko ong·ataoni chel·e dongengani bidingo warachake aganengon, ian uamangni party-ni niam aro constitutional-na chanchina nangchenganio pangchake chadenga ine VPP aganaha.
Mande jelani ratio-o pangchake reservation policy-ko nipilna nangchongmotaniko VPP dabiaha.
Nangchongmotgipa neng·nikanirangko aganna Meghalaya Legislative Assembly-an mongsongipa biap aro democratic aro constitutional ong·a indiba House-o sorkari mongsonggipa kattarangko agangrikna jechakronga ine party matnangaha.
Reform-na gamchatgipa recommendation-rangko gale mongsong chanchina nanggipako Expert Committee altue ra·angska ine VPP matnangaha. Mongsong chanchina nanggipani ning·o kakket bichalko on·anio maming dakeba jegalna man·jawa ine VPP aganangaha.
Uandake all party meeting tom·anikora ian political-ni gita tom·ikanisan ong·aia, nangchongmotgipa chanchina nangakode chanchina tom·gipa ong·ja ine VPP aganaha. Tom·anio bak ra·giparangara Meghalaya Democratic Alliance (MDA) sorkario bakrimgiparangsa ong·a, Congress-ba Expert Committee-ni agan-ku·pattianiko ra·chakgipa ong·a ine agandapaha.
Sorkari, Assembly-o Reservation Policy-o chanchirimaniko gelronga: VPP
Date:
Share post:
