SHILLONG: A·song gimiko aro a·doko to-ni dam aro petrol-ko chu·songa gita rakkiani bidingo Ma·mong aro a·dok sorkarini gita sal 8-ni gisepo toni damrangko changgittamna bariataha, ian ramramgipa manderangna tangka paisani gita biljrimaniko on·dapenga.
Ia gittamgipa changna bariatan baksa petrol-ni dam litre prako tangka gong 100 gapaha.
Sonibar salo, Shillong-o petrol-ni dam litre prako tangka gong 100.34 gapaha. Batanggimin jao, Shillong-o petrol-ni dam litre prako tangka gong 96.3 ong·achim.
Petrol baksana diesel-ni dam adita paisarang baridapaha. Sonibar salo diesel tokko litre praiko tangka gong 91.72 gital dam baridapaha, batanggimin jao diesel toni dam tangka gong 87.5 paisa ong·engachim.
Petrol aro diesel torangni damrangko baridapatanichi ramram manderangni janggi tanganiona nangchakgipa ong·aha.
“Sorkari aganenga torang chu·onga gitan donga indiba minggipin ua torangni damrang bilongen tang·doskaengaha,” ine tourist gariko salgipa aganaha.
Indakgipa a·selrang ong·angkua ong·ode gari parani damrangkoba bariatna nangnaba donggnok ine mitam gari salgiparang aganangaha.
Shillong-o salprak litre 80,000 petrol torangko palenga ineba janapataha.
Petroleum torangni dam bariako BJP dol chel·chake aganenga.
