Akashvani-ni bilsi 90 gapanina Shillong-o Musical Evening-ko ong·ata

Shillong: Manderangna broadcast ka·atgipa ong·e a·songna Akashvani-ni dangdike on·a bilsi 90 gapanina Shillong-ni State Convention Hall-o Musical Evening-ko ong·ataha.
Akashvani Shillong aro Akashvani North Eastern Services (NES)-ni gita apsan nangrime Musical Evening-ko ong·ataha, ia programme-o Meghalaya a·doko dilenggipa artist-rang aro band-rang gitrangko ring·angaha.
Musical Evening-o Khasi folk gitrangko ring·gipa Balahpynhun Mawlong aro uni party, Garo folk gitrangko Ahowee dolchi ring·angaha aro Jaintia folk gitrangko Seinraij Art & Culture Group ring·angaha. Western gitrangko mingsinggipa musician Shrley Passah aro Hindi gitrangko Ribhakupar Shadap-chi ring·angaha, jean 2016 bilsio NE Body can Sing-ni Modern Folk category-o chegipa ong·a jekon Akashavani station-rangni gita salgro salaram a·dokrangni gita talent hunt-ko ong·ataha.
Programme-ni somoio Meghalaya sorkarini Principal Secretary Shri Frederick Roy Kharkongor mongsonggipa sokgipa ong·e Akashvani-ni kamrangko kan·dike talatangaha.
“Ian dal·begipa chu·sokani ong·a. Akashvani, India-ni geographical biaprango 90%-na bate sokangaha. Bang·a baseanirang donggenchimoba an·chingo broadcast, print aro electronic media, online media-ni term-rang donga, indiba Akashvani-ni koborrango bang·bate ka·dongchakbata maina uamang tik ong·gipa aro kragipa koborrangko on·a,” ine ua aganaha.
“Mann Ki Baat”-ni giminba ua agandapangaha, “Prime Minister Shri Narendra Modi, a·songni dingtang dingtang neng·nikani aro mamlarangni bidingok songdonggipa manderang baksa joljol agangrikangaha. Meghalaya-ni bang·a bakrangkon Prime Minister-ni gita tang·doataha. Uni gimin jensalo chinga ku·rangni, nikjoke kam ka·ni aro gamchatani bidingo agana, anga chanchia Akashvani pangnan indake dongkamgen.”
Akashvani aro Doordarshan, doka damanina aro git ring·na changgiparangna cholrangko ong·katatenga ine ua aganaha. “A·dokni bang·a nokrangona uamangna miksonganirangko on·angenga aro mikkangchiba cholrangko on·angkugen,” ine ua aganaha.
“Dal·begipa bako a·gilsak gimikna, koborrangna, artist-rangna aro gamchatgipa, nikjokgipa aro ku·rangrangko ra·bana kam ka·angkuna aro a·songni ku·rangko on·angenganio songreanio namgipa kamrangko ka·angkuchina, bilsi 90 gapaniko manienganio nama skaniko on·a, ine ua agandapangaha.
Musical Evening-ona tom·bagipa aro bak ra·gipa sakantikon Assistant Director, Engineering, Akashvani Shillong, Shri Antony War rimchaksoaniko kattarangko aganangaha. Assistant Director, Programme, Akashvani NES Shillong, Smt, Evelyn Khongsit-chi mittelpilskani kattarangko aganangaha.
Meghalaya sorkarini Principal Secretary, Shri Frederick Roy Kharkongor, baksana Zonal Director, Indian Council of Cultural Relations, Northeast Zone, Dr. Munish Singh, aro Shri S.K Deohare, DDG Admin, ADG Office, Admin & Broadcast Operations, North East Zone (NEZ)-mangba programme-o dongpaaha.