SHILLONG: Meghalaya a·doko ong·enggipa pilak porikkarang matchotahaon, Shillong songjinmao donggipa Meghalaya Secretariat-ona jinma re·jomange, jingjengatanirangko dakanggen ine Bristibar salo, Voice of the People’s Party (VPP) parakataha.
Re·anggipa May-ni 25 tariko VPP state executive committee-ni tom·aniko ong·atanio, porikkarang matchotahaon, Meghalaya Secretariat-ona jinma re·jomange jingjengatna tik ka·angaha.
Porikkani somoirango iandake jingjengatanirangko dakaniara porikkako seenggipa aro dingtang dingtang porikkarangna tarisoenggipa chatro chatrirangna neng·nikaniko ra·baani gita ong·gen ine chatro chatrirang aro gipinrangba mol·moltokahani gimin porikkarang matchotani ja·mansa, Secretariat-ona jinma re·jomangenba jingjengatna gita tik ka·aha ine VPP-ni dilgiparang parakataha.
Iani bidingo u·iataniko on·angengon, party-ni dilgiparang, name chanchichengani ja·man, chatro chatrirangni namgninan skanggipa chanchichengna nanggen ine tik ka·aha aro sorkarini kosako jingjengataniko porikkarang matchotani ja·mansa a·bachengatna tik ka·aha ine VPP-na ku·wattimgipa Dr Londoner Murphy Sohtun parakataha.
VPP-ni iandake manchianiara, chatro chatrirangni namgnina chanchianiko aro apsan somoion Meghalaya a·dokni manderangna on·gimin bilrangko chel·chakanio party-ni on·kange kam ka·aniko mesokani ong·enga ineba Dr Sohtun parakataha.
Secretariat-ona re·jomange jingjengatna miksonganirangko name talatjahaoba, ian chatro chatrirangni porikkarang matchotahaon, sorkarini kosako VPP-ni dingtang dingtang kamrangna jingjengataniko a·bachengna miksonganiko mesokani ong·enga ine niksamsona man·enga.
Porikkarang matchotani ja·man Secretariat-ona re·jomange jingjengatgen: VPP
Date:
Share post:
