BAGHMARA: Sout Garo Hills a·jani Chokpot Sub-Division-oni Kilometre 10 mang donggipa Durama Kakija Govt. LP School-o class room chu·ongjae bi·sarangna skianio neng·nikaniko man·enga ine songni manderang aro school-ni skigipa aganaha. Skigipa H Ch Marak ni aganani gitade Class Room ge·sao class ge 7-ni sak 60 mang bi·sarangna skie on·a nange class ge·sa ge·gipina skiako knae bi·rangko gisik nangatna man·jenga ine aganaha. Unigmin ia neng·nikanirangko niroke sorkarini gita dakchakaniko on·china ine sorkariko mol·molangaha.
Bilsignimangnade Meghalaya a·dokni MBOSE porikkani pass percentage tang·dopretanirangko nikna man·ahachim. Indake ong·genchimoba PGI-o Meghalaya a·dok bon·kamgipa gadango ong·skaniko nikna man·skaaha. Ian songadamrango donggipa sorkari skulrang namdapani dongjaengani aro skigiparangni skigiparangni chu·onggijani a·sel bi·sarang poraianiko dontongna nangaona sokenganiko nikna man·enga.
SGH Durama Kakija Govt. LP skulo class room chu·ongjae neng·nikaniko man·enga
Date:
Share post:
