TURA: West Garo Hills Tura-ni Working Women’s Hostel-o batanggimin June 2 tariko One Stop Centre for Women (OSCs)-ni personnel-rangna capacity Building Training programko ong·atangaha. Meghalaya State Commission for Women, National Commission for Women, New Delhi-ni dakchakanio ia training-ko ong·ataha. Case Workers, Counsellors aro Garo Hills-oni gimik district-rangoni OSCs-ni staff memborrang training-o bakko ra·angaha.
Programo Survivor Centric Approach-ni gimin tale skie on·angaha, una agrega neng·nikako ba duko ga·akgipa me·chikrangna jolan dakchakaniko on·na gita skie on·angaha. Social Welfare Department, Mission Shakti-ni State Mission Coordinator Shri Remy Nelson Kharbteng, District Medical & Health Officer, Tura-ni District Medico Legal Adviser Forensic Medicine Sr. Specialist Dr. Mitul M Sangma, Tura Civil Hospital-ni Clinical Psychologist Dr. Narbecca G Momin- uamang session-o aganprakangaha.
Tom·anio aganprakataon Meghalaya State Commission for Women-ni vice chairperson Smt. Hemaritha Ch Sangma, OSCs-ni duko ga·ake donggipa me·chikrangna kam ka·anirangko agane on·angaha.
Tura-o One Stop Centre for Women-ni personnel-rangna training-ko ong·ata
Date:
Share post:
