Tura: Achik State Peoples’ Front (ASPF), Chief Minister, Conrad Sangma-na chittiko seate Assam-oni Garo Hills-ona sokbaenggipa me·su-samjakrang, bolam bite, wakrangko porikka ra·china gita mol·molaha.
Guwahati aro Barbeta-o palgipa me·su-samjakrango chemical brine ba sam satte palaniko u·ina man·ani ja·man ian namen jajrengani ong·a ine janape, Assam-oni Garo Hills-on sokbaenggipa bosturangko name dake porikka ra·china gita ASPF nangnikaniko aganaha.
“Garo Hills-oni manderang Assam-oni sokbagipa me·su-samjak, bolam-bite, be·en-bitinrang jekai, do·o broiler, matchu aro wakrango pangchaka, uni gimin mandeni be·ej-bimang aro an·seng-baljokanina namen kenbegnigipa ong·a, uni gimin ASPF, sorkariko a·dokni manderangni an·seng-baljokaniko skang done ja·ku de·china gita mol·mole, Assam-oni Garo Hills-ona sokbaenggipa bosturangko Garo Hills-ona ra·baanio rakgipa niamrangko donchina gita mol·molaha.
Gimik entry point-rango name dake nirok-simsakaniko aro rakgipa niamrangko donchina agan-ku·pattiaha. Food Safety Officer-rangni salanti aro antio changprak bajar-anti cha·anio palgipa bosturangko sandichina unbaksana Garo Hills-ni district ge·antion Food Laboratory Centre-ko songchina gita mol·molaha.
Iarangna agreba NH 217 Berubari (Bajengdoba), NGH, Dainadubi NGH aro AMPT road jolrango songgipa entry point-rangona Food Safety aro Veterinary Department-ni officer-rang watna nangnikaniko aganaha. JedakodeVeterinary Department-ni documentation ba verification-ko man·gijade Garo Hills-o napna man·jawa.
Iana skangba CSO, ia apsan mamlao changgni memorandum-ko on·ahachim indiba maming aganchakaniko man·jani gimin ia mamlako ta·raken nirokna nangengani gimin CM-ko gronge memoradum-ko on·taiaha.
Assam-oni Garo Hills-ona sokbaenggipa bosturangko porikka ra·china gita ASPF dabia
Date:
Share post:
