TURA: Garo Hills-ni adita songrango, Garo Hills Autonomous District Council (GHADC) MDC Scheme-ni ning·o ka·gipa bang·a project-rangan tik ka·giminrang gita ong·jani gimin, Niksamso Garo Community Organisation (NGCO) suk ong·gijaniko parakangaha aro iarangni bidingo ta·rake sandianirangko dakchina gita authority-rangko didiangaha.
NGCO-ni kobor-na parakatani gita, adita salrangna skang Garo Hills-ni dingtang dingtang bakrango sorkarini chamatgipa developmental project-rangko nirokaniko dakmitingo, GHADC MDC-ni ning·o ka·atgipa mitam project-rangko tik ong·e ka·gijanirangko nikenba NGCO suk ong·gijaniko parakaha.
Garo Hills-ni bang·a bakrangon project-rangko a·bachengatna sorkarini chamatgimin tangka paisarangko chu·onga gita aro kraa gita man·sogenchimoba, bang·a kamrangon tik ong·gijani aro chu·onggija ka·e on·anirangko nikna man·aha. Indake mitam project-rangko matchotaha ine report-rangko on·genchimoba, ramramarigipa chi chimongchakani tank-kosa tarie on·aia. Mongsongbate Chokpot jolni ning·o ong·gipa Rangmai songni community public toilet project-ni bidingo aganengon, GHADC scheme-ni ning·o ia project-na lak 7 mang tangkarangko chamatahachim, indiba kam ka·anirang chamatgimin tangka paisani kride ong·jaha ine nikna man·a ineba NGCO parakataha.
Tik ong·gijagipa aro niam gita ong·gija kam ka·aniko jegalatenba, daito gnanggiparang iani bidingo ta·rake sandianirangko dakchina aro project-rangko jako ra·e kam ka·giparangni kosako sing·sandianirangko dakchina aro mikkangchi songsalni manderangni namgnina sokarini chamatgimin tangka paisarangko kakketo aro kragipa bewalo jakkale kamrangko ka·e on·china gita ge·etaniko on·china NGCO sorkariko didiaha.
Garo Hills-ni manderang kakketgipa aro kragipa gadango namroro silroroaniko man·na kraa, uni gimin songsalni manderangni namgnina kraa bewalo project-rangko dake-ka·e on·china gitaba Niksamso Garo Community Organisation (NGCO) didiangaha.
NGCO-ni kobor-na parakatani gita, adita salrangna skang Garo Hills-ni dingtang dingtang bakrango sorkarini chamatgipa developmental project-rangko nirokaniko dakmitingo, GHADC MDC-ni ning·o ka·atgipa mitam project-rangko tik ong·e ka·gijanirangko nikenba NGCO suk ong·gijaniko parakaha.
Garo Hills-ni bang·a bakrangon project-rangko a·bachengatna sorkarini chamatgimin tangka paisarangko chu·onga gita aro kraa gita man·sogenchimoba, bang·a kamrangon tik ong·gijani aro chu·onggija ka·e on·anirangko nikna man·aha. Indake mitam project-rangko matchotaha ine report-rangko on·genchimoba, ramramarigipa chi chimongchakani tank-kosa tarie on·aia. Mongsongbate Chokpot jolni ning·o ong·gipa Rangmai songni community public toilet project-ni bidingo aganengon, GHADC scheme-ni ning·o ia project-na lak 7 mang tangkarangko chamatahachim, indiba kam ka·anirang chamatgimin tangka paisani kride ong·jaha ine nikna man·a ineba NGCO parakataha.
Tik ong·gijagipa aro niam gita ong·gija kam ka·aniko jegalatenba, daito gnanggiparang iani bidingo ta·rake sandianirangko dakchina aro project-rangko jako ra·e kam ka·giparangni kosako sing·sandianirangko dakchina aro mikkangchi songsalni manderangni namgnina sokarini chamatgimin tangka paisarangko kakketo aro kragipa bewalo jakkale kamrangko ka·e on·china gita ge·etaniko on·china NGCO sorkariko didiaha.
Garo Hills-ni manderang kakketgipa aro kragipa gadango namroro silroroaniko man·na kraa, uni gimin songsalni manderangni namgnina kraa bewalo project-rangko dake-ka·e on·china gitaba Niksamso Garo Community Organisation (NGCO) didiangaha.
