WIILIAMNAGAR: East Garo Hills, Williamnagar Nama Bajar-o niamgri nok rike donggiparangko pe·e galchina aro mikkangchi niamgri a·kange dongna jotton ka·aniko champengchina gita Garo Student Union (GSU), East Zone, Deputy Commissioner-na sedoaha.
Uamangni chittio janapani gitade, batanggimin somairango Nama Bazar-o skatang a·kangdrae songdong a·chagiparang gapahachim, indiba re·anggipa somoio Garo Hills-o so·sojengjeng ong·mitingo ua biapko wate katangtokaha. Unigisepon je dongkuenggiparangkoba pe·e gale rongtalatchina aro mikkangchi ua biapo skatang songdong a·chana on·taijachina gita Union, District Administration-ko didiangaha.
Indake Williamnagar Town-ni ning·o donggipa bangbanggipa a·arango mikkangchi jeba skatang niamgri re·bae songdongpilna aro a·kangdrana jotton ka·aniko nikgenchimode uandakgipa manderangni kosako District Administration-ni gita rakken champengchina didiatan baksa, Nama Bazar-ni biaprangko name dake rongtalatchina aro Town ba Bazar-na namdapatani kamrangna ua biaprangko ripingchina gitaba GSU, East Zone didianiko on·angaha.
EGH Nama Antio niamgri nok rike donggiparangko pe·galchina GSU dabia
Date:
Share post:
