DADENGGRE: Meghalaya a·dokni dingtang dingtang biaprangoba Special Intensive Revision (SIR) 2026-ko ong·atna siengani gimin iani bidingo manderangna u·iatskana man·na gita Budbar salo, Dadenggre C&RD Block-ni Booth Level Officer (BLO)-rangna training program-ko Dadenggre-ni Multi Facility Centre-o ong·atangaha.
SIR-ko dakanio nangchongmotgipa niamrangko ja·rikna nangani bidingo Election Tura Branch-ni Assistant System Engineer Swarup Banai aro Dadenggre Election-ni Assistant System Engineer Fabian Ch Marak, BLO-rangna agan-talate on·angaha. SIR-ko dakani bak gita BLO-rang, June 30 tarikoni July 29 tarikona nokantichi re·e sing·sandianirangko dakanggen.
Iana skang, training program-ko ong·atanio, Dadenggre C&RD Block-ni Block Development Officer Saljagring G Momin, Election Commission of India-ni Special Intensive Revision ning·o nokantion re·e biming seani, form-rangko gapatani aro gitcham voter data-rangko nipiltaiani bidingo, BLO-rangna agan-talatanirangko on·angaha.
