Baghmara: South Garo Hills district-ni ning·o ga·akgipa songadam Mindikgre jolni manderang aro social activist Greneth Sangma, SGH-ni SP-na lekka sedoe ua jolni police outpost-ko police station-ona ra·dochina mol·molaha.
“Meghalaya sorkari, ua jolko nirok-simsakna aro namdapatna nangnike ‘Mindikgre OP’-ko Office of the Director General of Police, Shillong-ni on·gipa Letter No. MG/XIX-225/2020/12′-o pangchake Serial No. 19-o donatahachim ine chittio janapaha.
“Ia sima ari sepanggipa jolo batanggimin somoirango A·chik National Volunteer Council (ANVC) aro Garo National Liberation Army (GNLA) bobil dolrangni bilake kam ka·anirangko nikna man·aha. Uni gimin jolni manderangna chelchakaniko on·na aro bobil dolrangni bilake kam ka·aniko champengna SP AT Sangma-ni somoio AD Camp-ko wataha.”
Temporary AD Camp-ko donachi jolni manderangna chelchak-naljokaniko on·paachim indiba da·ode ua camp-ko chipatsrangaha, uni gimin sima ari gita denggu dakgipa dolrang nakatengani gimin jolni manderangna bilongen kenchakani ong·enga ine jolni manderang aganaha.
“Out Post-o jakgittelgipa statutory framework-ko nangenga maina Mindikgre sector namen a·pala uni gimin ka·dongna man·gipa Out Post-ko nangenga ine jolni manderang janapaha.
Mindikgre, ian Baghmara district headquater-oni kilomter 27-mang chel·ao donggipa ong·a. Unbaksana ua jolo mobile network aro ramani obostarang namsrangja.
Iana skang bilsi 2020 Sep 5 tariko songni pilak manderang tom·dake iani bidingo chanchirimangaha aro Outpost-ko songanio sorkarina koros man·chakja ong·ode Mindikgre A.kingni Nokma Leoush Ch. Sangma, complex-ko rikna gita chu·onga gita a·ako on·naba aganachim.
“Jolni manderang uamangni chagronggipa neng·nikarangko janape ta·raken Mindikgre-o Police Station-ko songchina gita mol·molenba uamangni chittiko Director General of Police (DGP), State Home Department, aro Meghalaya sorkarina sokatchina mol·molaha.
“Meghalaya sorkari, ua jolko nirok-simsakna aro namdapatna nangnike ‘Mindikgre OP’-ko Office of the Director General of Police, Shillong-ni on·gipa Letter No. MG/XIX-225/2020/12′-o pangchake Serial No. 19-o donatahachim ine chittio janapaha.
“Ia sima ari sepanggipa jolo batanggimin somoirango A·chik National Volunteer Council (ANVC) aro Garo National Liberation Army (GNLA) bobil dolrangni bilake kam ka·anirangko nikna man·aha. Uni gimin jolni manderangna chelchakaniko on·na aro bobil dolrangni bilake kam ka·aniko champengna SP AT Sangma-ni somoio AD Camp-ko wataha.”
Temporary AD Camp-ko donachi jolni manderangna chelchak-naljokaniko on·paachim indiba da·ode ua camp-ko chipatsrangaha, uni gimin sima ari gita denggu dakgipa dolrang nakatengani gimin jolni manderangna bilongen kenchakani ong·enga ine jolni manderang aganaha.
“Out Post-o jakgittelgipa statutory framework-ko nangenga maina Mindikgre sector namen a·pala uni gimin ka·dongna man·gipa Out Post-ko nangenga ine jolni manderang janapaha.
Mindikgre, ian Baghmara district headquater-oni kilomter 27-mang chel·ao donggipa ong·a. Unbaksana ua jolo mobile network aro ramani obostarang namsrangja.
Iana skang bilsi 2020 Sep 5 tariko songni pilak manderang tom·dake iani bidingo chanchirimangaha aro Outpost-ko songanio sorkarina koros man·chakja ong·ode Mindikgre A.kingni Nokma Leoush Ch. Sangma, complex-ko rikna gita chu·onga gita a·ako on·naba aganachim.
“Jolni manderang uamangni chagronggipa neng·nikarangko janape ta·raken Mindikgre-o Police Station-ko songchina gita mol·molenba uamangni chittiko Director General of Police (DGP), State Home Department, aro Meghalaya sorkarina sokatchina mol·molaha.
