DADENGGRE: Garo Hills-o muga jile man·aniko tang·doatna aro songo noko manderangni janggi tangani gadangko namdapatna gita Mongolbar salo, ‘Promoting Scientific Organic Agriculture in North East India for Muga farmers in Meghalaya’ ine pangchakaniko donenba, training program aro workshop-ko West Garo Hills a·jani Jengjal Bolbokgre-o donggipa Farmers Training Centre-o ong·atangaha.
Ia program-ko West Garo Hills a·jani District Sericulture Office, Shillong-ni (North East Centre for Technology Application and Reach) NECTAR aro Boko-ni Central Silk Board RSRS baksa nangrime ong·atangaha.
Ia program-ko ong·atanio, Sericulture Department-ni Deputy Director Sanre G Momin, mongsonggipa sokgipa ong·e jinmana aganprakangengon, muga jo·ong jilaniko pangkamgipa ong·atna gita an·tangtangko on·kange kam ka·china aro mikkangchi kamrango chu·sokbatgiparang ong·na gita niksamsoani gnang kamko ka·china, muga jilenggipa manderangko didiangaha. Gipin biaprango maikai manderang, mugarangko jilenga, uarangko nie ra·enba skie ra·na gita gipin biaprangona re·e skie ra·anirangkoba dakna nanga ineba Momin aganaha. Ia jolrango manderang, mugarangko jilna gita a·arang bang·en donga ine janapatengon, iandakgipa kamrangko ka·e cha·na gita manderang, an·tangtangni somoirangkosan on·na nangaia ine Momin aganaha.
Ia program-ko ong·atanio, MSRLS-ni District Mission Manager Michelle Momin-ba dongpae jinmana aganprakengon, MSRLS-ni kamrangni gimin aro maikai manderangna cholrangko on·enga, uarangni gimin agan-talatanirangko on·angaha.
Ia program-ni technical session-o game ge·e cha·giparangna agan-skie on·anggipa manderangara, CSB-RSRS Boko-ni Scientist-D SAS Rahman, NECTAR Shillong-ni Research Associate Dr Sunita Upadhya, CMSRLS-ni Functional Manager Romeo Ch Momin aro gipinrang ong·a
