AMPATI: Meghalaya a·dokoba electoral roll-rangko gital dake nipilna gita Election Commission, Special Intensive Revision (SIR)-ko dakna ge·etaniko on·ahani gimin electoral roll-rangko SIR dakani bidingo South West Garo Hills a·jani official-rangna skie on·na gita Budbar salo, dingtangmancha training program-ko Ampati Deputy Commissioner Office-o donggipa DRDA Conference Hall-o ong·atangaha.
Ia training program-ko South West Garo Hills a·jani District Election Office, SIR-ko dakanio election official-rangko tarisamsona gita ong·atangaha aro ia training program-o, 53-Ampati (ST), 54-Mahendraganj (ST), aro 55-Salmanpara (ST) Assembly Constituency-nji BLO Supervisor-rang aro Enumerator-rang bak ra·angtokaha.
Ia training program-ko ong·atanio, BLO Supervisor-rangna aro Enumerator-rangna, Electoral Roll-rangko Special Intensive Revision dakanio, dongimin niamrang aro daitorangni gimin Election official-rang, agan-talate on·angaha.
Ia training program-ko ong·atanio, Election Branch-ni official-rang, SIR-ko dakanio, field-o dakna nanggnirang, date chimongani, bimingrangko nipiltaiani aro somoirangko ja·rikani bidingo BLO Supervisor-rangna aro Enumerator-rangna agan-talate on·angaha.
South West Garo Hills a·jao Special Intensive Revision-ko name matchotatna man·na gita an·tangtangni kamrangko name ka·china gitaba ia tom·anio official-rang, BLO Supervisor-rangko aro Enumerator-rangko didiangaha.
