TURA: Garo Hills Autonomous District Council (GHADC)-ni receipt form aro logo-o ‘Autonomous’ kattako ra·galani gimin Tura-ni MDC aro Bharatiua Janata Party (BJP)-ni state vice president Bernard N Marak suk ong·gijaniko parakatenba, iandake GHADC-ni receipt form aro logo-o ‘Autonomous’ kattako ra·galaniara kraani ong·ja ine iako ta·raken taripilchina GHADC-ni Executive Committee-ko didiataha.
“GHADC-ni receipt aro logo-o ‘Autonomous’ kattako ra·galaniara namen kragijani aro ra·chakna man·gijani ong·a aro iako da·o ong·enggipa Executive Committee, ta·raken taripilna nanga. GHADC-ni receipt aro logo-o ‘Autonomous’ kattako ra·galaniara, gitcham Executive Committee-rangni Garo Hills District Council (GHDC) aro Garo District Council (GDC) ine seaniko ja·rikbagipa apsan kamkon dakgualani gita ong·enga aro ian GHADC-ni bil aro jakgitelaniko onatani ba ra·ongalani gita ong·enga,” ine Marak parakataha.
Marak-ni parakatani gitade, iandake GHADC-ko GHDC ba GDC ine seaniko ja·rikbaaniara GHADC-ni jakgitele sason ka·na ba chalaina man·ani bilko ra·ongalna jotton ka·ani aro a·dok sorkari baksana sason ka·enggipa political party-o pangchakaniko bariatna jotton ka·ani gitasa ong·enga.
GHADC-ni GHDC ba GDC ine seaniara, GHADC-na niam bidiko on·gimin bil aro niamko pe·ani gita ong·enga ine janapatengon, iani bidingo ta·raken sesretanirangko namatchina aro GHADC chu·gimik bimingkon jakkalchina Tura MDC didiataha.
GHADC-ni receipt-o ‘Autonomous’ kattako ra·galanina Tura MDC jegala
Date:
Share post:
