TURA: Meghalaya Board of School Education (MBOSE), class IX-ni chatro-chatrirangko registration ka·na gita June 19, 2026 tarikkon bon·kame, ja·manchakgiparangna June 23-oni a·bachenge da·o june 30 tarikona bon·kame cholko on·taienga ine MBoSE parakataha.
Registration ka·aniko June 19 tarikona bon·kame somoi on·ahachim, indiba jeje skulrangan register ka·na man·rikjaha uamang Tg. 500-ko late fine gamenba June 23-30 tarikni gisepo register ka·na man·gen. Uni ja·mande online portal-ko chipgen aro skulni registration-ko ra·chakjawaha ine MBOSE-ni Director, Accreditation & Controller of Examination, T.R. Laloo u·iataha.
Iana agreba, registration ka·enggipa pilakan chatro-chatri sakprakna gamna nanggipa tangkarangko UPI ba gipin cholrang gita gamaniko ra·chakjawa, MBOSE-ni on·gipa link gitasa gamna nanggen ineba u·iataha.
Unigisepon, chatro-chatrirangni bimingrangko sesret-jotsretanirang donggenchimode, uarangko tik ka·pilna gita July 6-17, 2026 tarikrangona ‘Correction Window’-ko oprake on·anggen ineba MBOSE Director taldapataha.
