AMPATI: Meghalaya a·dok gimikon electoral roll-rangko nipilna Special Intensive Revision (SIR)-ko ka·na a·bachengatahaon, South West Garo Hills a·jao me·chik Booth Level Officer (BLO)-rang, songni nokni manderangna, SIR-ko dakani bidingo agan-talatanirangko on·enga.
South West Garo Hills a·jao me·chik BLO-rang, dingtang dingtang songrangona re·ange, awareness program-rangko ong·atenga aro SIR-ko dakani bidingo songni manderangna agan-talatanirangko on·enga. Ia awareness program-rangko ong·atanio me·chik BLO-rang, bilsi sokgimin manderangko electoral roll-rango biming segatchina aro biming segatgimin manderangkoba ia SIR-ko dakanio, an·tangtangni bimingrangko nipilchina gita didianirangko on·enga.
A·doko songdongkamgipa manderang, jemangan bilsi 18 gapahachim, uandakgipa manderangko electoral roll-rango biming segatna aro electoral roll-rangko name taripiltaina man·na gita me·chik BLO-rang, ia awareness program-rangko ong·atenga.
Official-rangni u·iatani gitade, ia me·chik BLO-rangni, dingtang dingtang songrangona re·ange, songni manderangna agan-talatanirangko on·anichi, manderang ia SIR-ko dakani bidingo talbate ma·sina man·engaha aro ka·dongbatatanikoba man·engaha.
Indake ong·engon, South West Garo Hills a·jao ia Special Intensive Revision-ko chu·sokgipa ong·atna an·tangtangko on·kange kamrangko ka·engani gimin District Administration-ba, South West Garo Hills a·jani me·chik BLO-rangko mittelpilangaha.
