WILLIAMNAGAR: Re·anggipa bilsi July 18 tariko East Garo Hills Williamnagar-ni Samgong-o me·chik bi·sa saksako ka·saninggija so·ote galani mamlako nirokatchina gita Garo Student Union, Eastern Zone Williamnagar, Meghalaya State Commission for Protection of Child Rights (MSCPCR)-ni Chairpeson Agatha K. Sangma-ko mol·molaha.
Ia a·sel ong·aoni da·o bilsisa ong·nasipilengahaoba duko ga·akgipa nokdangni manderangna maming ka·dongani, dakchakani aro kakket bichalko sorkarini gita on·kuja aro kamrangko ka·aniba dongkuja. Ia ong·a obostani ja·pangko Magisterial Inquiry dakgenchimoba da·alona kingking sandie man·gimino pangchake maming ja·kuko de·kuja ine Chairperson-na see on·gipa chitto Union janapaha. Indake ong·engon, a·sel ong·ani salo chel·chakgipa dol gisik nange ra·genchimode haida me·chik bi·sa siaona sokangjawachimkon, indiba me·chik bi·sana maming chel·chakaniko on·gija mamlako ritchenge ra·ani a·selsa ia me·chik bi·sa ia obostao ga·akna nangaha ineba GSU, uamangni chittio janapaha.
Dosi dakgipa mandeko da·onaba rim·na man·kujaenganiara, nokdangni aro jolni manderangni gisepo jajrengchakna nangani ong·a, chong·motan misilbegipa kamko ka·gipa mandeko ru·uta salrangna kingking rim·na man·gija donganiara aro duko ga·akgipa nokdangni manderangna kakket bichalko on·na man·jaenganiara songsalni manderangna ka·donga grianiko ra·baa, Union janapaha.
Indake ong·engon, ia obostani bidingo nambate aro ning·tubate am·sandianirangko dakpachina aro dos dakgipa mandeko ta·rake bichalona rimbachina dabian baksa duko ga·akenggipa nokdangni manderangna nanggipa dakchakanirangko on·china gita GSU EZ president Goera R. Sangma didiaha.
Jena kingking duko ga·akgipa nokdangni manderangna kakket bichalko on·na man·kuja, GSU Eastern Zone, sorkarini kosako ja·kol sane donggen ine mikrakataha.
Samgongo me·chik saksako so·otgipani mamlako nirokatchina MSCPCR-ko GSU mol·mola
Date:
Share post:
