TURA: Batanggimin bilsirangni gisepo Ma·mong sorkari, a·dok sorkari aro ANVC, ANVC (B) ni songgigrikaniko dake soi ka·anga ja·man Garo Hills ko sildap-namdapatna ma·mong sorkarioni krorni kror tangkarangko wataha indiba ma·sina man·gijagipa manderangni cha·boke cha·na jotton ka·engani a·sel namroro-silroroaniko nikani pal batesa GHADC-o aro Garo Hills-o ong·siroroaniko nikna man·enganiko a·dok BJP ni Vice President-Shri Bernard N Marak, talatanga.
Ma·mong sorkarini chamatgimin tangkarang GHADC-onan chu·gimik sokbagenchimoba ua tangkako nanga kamrangna kakket ong·e jakkalani pal ma·sina man·gijagipa manderang bikote ra·na cholrangko tariaha.
Tripartite Agreement-o pangchake ma·mong sorkarini Garo Hills na chamatgimin tangkarangko bikote ra·na gita ‘Fake Tender’ ba nokli tender-ko bikote tangkako indin skatang jakkalenga.
Pa Marak-ni talatani gita GHADC Taxation Department-oniko TNT ni bidingo RTI ka·e nikna man·anggipao ia Fake Tender na dorgasto galgipaoni bang·bata manderangan TNT na dorgasto galgipaba ong·a, jeon ma·sina man·gijagipa kamara uamangna sawa TNT ko on·angskaaha, aro ia kakketgijagipa Tender-ni bidingo bano jinma na u·iataniko dakangaha, aro maikai TNT na dorgasto galgiparangara Tender ko maikai man·angskaa ine Marak sing·doaha.
Ia Fake Tender-o kakketgijagipa soi ka·anirang dongengon GHADC ni Secretary changni chang FIR ka·aha ineba Marak janapanga. Ia kragijagipa kamranga GHADC ni ning·o Officer-ni gadango donge kam ka·giparangde ong·na kraja ine janapangenba ian dal·dalgipa manderang jemangan District Council-ni Logo, District Council-o chitti seani bewalko ma·sigiminrangni kamsa ong·na nanga maina ia ‘Fake Tender’ra District Council ni lekkarang baksa apsanchrak mamingba dingtanggijagipa ong·a, jekon chel·begipa biap ba a·paloni manderangde maming dakeba dakjee tarina sapgipa ong·jawa indiba ian GHADC-o maikai Tender on·enga, maikai Work Order on·enga, aro GHADC-o kam ka·ani bewalrangko rongtale ma·sigimin manderangni kam an ong·a ine Pa Marak agandapangkua.
Ma·mong sorkarini chamatgimin tangkarang GHADC-onan chu·gimik sokbagenchimoba ua tangkako nanga kamrangna kakket ong·e jakkalani pal ma·sina man·gijagipa manderang bikote ra·na cholrangko tariaha.
Tripartite Agreement-o pangchake ma·mong sorkarini Garo Hills na chamatgimin tangkarangko bikote ra·na gita ‘Fake Tender’ ba nokli tender-ko bikote tangkako indin skatang jakkalenga.
Pa Marak-ni talatani gita GHADC Taxation Department-oniko TNT ni bidingo RTI ka·e nikna man·anggipao ia Fake Tender na dorgasto galgipaoni bang·bata manderangan TNT na dorgasto galgipaba ong·a, jeon ma·sina man·gijagipa kamara uamangna sawa TNT ko on·angskaaha, aro ia kakketgijagipa Tender-ni bidingo bano jinma na u·iataniko dakangaha, aro maikai TNT na dorgasto galgiparangara Tender ko maikai man·angskaa ine Marak sing·doaha.
Ia Fake Tender-o kakketgijagipa soi ka·anirang dongengon GHADC ni Secretary changni chang FIR ka·aha ineba Marak janapanga. Ia kragijagipa kamranga GHADC ni ning·o Officer-ni gadango donge kam ka·giparangde ong·na kraja ine janapangenba ian dal·dalgipa manderang jemangan District Council-ni Logo, District Council-o chitti seani bewalko ma·sigiminrangni kamsa ong·na nanga maina ia ‘Fake Tender’ra District Council ni lekkarang baksa apsanchrak mamingba dingtanggijagipa ong·a, jekon chel·begipa biap ba a·paloni manderangde maming dakeba dakjee tarina sapgipa ong·jawa indiba ian GHADC-o maikai Tender on·enga, maikai Work Order on·enga, aro GHADC-o kam ka·ani bewalrangko rongtale ma·sigimin manderangni kam an ong·a ine Pa Marak agandapangkua.
