TURA: Meghalaya a·dokni skotong Shillong songjinmaoni Tura songjinmaona dakbagipa ramako four-lane rama dake tarichina A·chik Holistic Awakening Movement (AHAM), a·dokni Chief Minister Conrad K Sangma-ko didiataha.
Iani bidingo a·dokni Chief Minister-na sedoatengon, Shillong-oni Tura-ona re·ruraenggipa manderang chengonin gitcham ramaon pangchakna gita nangkuenga aro ia ramara bang·bata biaprangon gonggea, a·kuangrara daka aro ramarang apchonani a·sel songre songgabatenggipa manderangna ru·ute somoiko nangenga aro ian kenchakna nangenggipaba ong·a ine AHAM-ni president George Prince Ch Momin parakataha.
“Shillong-Tura ramara, Meghalaya a·doko ia mongsongbatgipa songjinma damgniko nangdimatgipa rama ong·a indiba ia songjinma damgnini gisepo songre songgabatanio ru·ute somoiko nangan baksana dingtang dingtang neng·nikanirangkoba chagrongna nanga. Salgro salaram jolni gipin ramarang baksa tosusagenchimode ia rama namen obosta dongjabatgipa ong·enga,” ine Momin janapatenba, Shillong aro Tura songjinma damgnian Meghalaya a·doko mongsongbatgipa biaprang ong·ani gimin ia biap damgniko four-lane ramachi nangdimatgenchimode biap damgnini gisepo re·a doaniko altubatatan baksana pilakni gitan tang·doanikoba nikna man·gen ine parakataha.
AHAM president-ni Chief Minister-na sedoatgipa chittio parakatani gitade, ia ramako four-lane dake tarigenchimode ian songre songgabatani somoiko bakkandikatan baksana songregiparangna dongtoaniko on·gen aro ia ramako nambate tarianichi, ian Garo Hills-ni dingtang dingtang tourist spot-rang, jekai Tura Peak, Nokrek Biosphere Reserve, Balpakram National Park, Siju Cave, Pelga Falls, Rongbang Dare gita dakgipa biaprangona re·a doanikoba altubatatgen.
“Uasan ong·aigija, Shillong-Tura ramako four-lane rama tarigenchimode, ian game ge·e cha·giparangna, bading chiwalgiparangna aro chonchongipa bading chiwalanirangko dake cha·enggiparangnaba namgni ong·e ian a·dokni economy-ko tang·dobatatna dakchakani ong·gen aro unbaksana ian lekka porako ra·enggipa chatro chatrirangna aro sagiparangko sanna re·ruraenggipa manderangnaba bang·en dakchakani ong·gen,” ine AHAM president parakataha.
Ia ramako four-lane dake tarina ta·raken India sorkari aro Road Transport & Highways Ministry baksa agangrikchina gitaba Momin, a·dokni Chief Minister aro a·dok sorkariko didiataha.
Iani bidingo a·dokni Chief Minister-na sedoatengon, Shillong-oni Tura-ona re·ruraenggipa manderang chengonin gitcham ramaon pangchakna gita nangkuenga aro ia ramara bang·bata biaprangon gonggea, a·kuangrara daka aro ramarang apchonani a·sel songre songgabatenggipa manderangna ru·ute somoiko nangenga aro ian kenchakna nangenggipaba ong·a ine AHAM-ni president George Prince Ch Momin parakataha.
“Shillong-Tura ramara, Meghalaya a·doko ia mongsongbatgipa songjinma damgniko nangdimatgipa rama ong·a indiba ia songjinma damgnini gisepo songre songgabatanio ru·ute somoiko nangan baksana dingtang dingtang neng·nikanirangkoba chagrongna nanga. Salgro salaram jolni gipin ramarang baksa tosusagenchimode ia rama namen obosta dongjabatgipa ong·enga,” ine Momin janapatenba, Shillong aro Tura songjinma damgnian Meghalaya a·doko mongsongbatgipa biaprang ong·ani gimin ia biap damgniko four-lane ramachi nangdimatgenchimode biap damgnini gisepo re·a doaniko altubatatan baksana pilakni gitan tang·doanikoba nikna man·gen ine parakataha.
AHAM president-ni Chief Minister-na sedoatgipa chittio parakatani gitade, ia ramako four-lane dake tarigenchimode ian songre songgabatani somoiko bakkandikatan baksana songregiparangna dongtoaniko on·gen aro ia ramako nambate tarianichi, ian Garo Hills-ni dingtang dingtang tourist spot-rang, jekai Tura Peak, Nokrek Biosphere Reserve, Balpakram National Park, Siju Cave, Pelga Falls, Rongbang Dare gita dakgipa biaprangona re·a doanikoba altubatatgen.
“Uasan ong·aigija, Shillong-Tura ramako four-lane rama tarigenchimode, ian game ge·e cha·giparangna, bading chiwalgiparangna aro chonchongipa bading chiwalanirangko dake cha·enggiparangnaba namgni ong·e ian a·dokni economy-ko tang·dobatatna dakchakani ong·gen aro unbaksana ian lekka porako ra·enggipa chatro chatrirangna aro sagiparangko sanna re·ruraenggipa manderangnaba bang·en dakchakani ong·gen,” ine AHAM president parakataha.
Ia ramako four-lane dake tarina ta·raken India sorkari aro Road Transport & Highways Ministry baksa agangrikchina gitaba Momin, a·dokni Chief Minister aro a·dok sorkariko didiataha.
