AMPATI: Mongolbar salo, Reserve Bank of India (RBI) Shillong Office-ni gita, South West Garo Hills District Administration-ni official-rangna dingtangmancha awareness-cum-sensitisation program-ko Ampati-o ong·atangaha.
India a·song gimikon hisaprangko rakkiani niamrangko a·dok sorkarini official-rangna RBI-ni gita talate on·engani gimin South West Garo Hills a·jaoba ia program-ko District Administration-ni official-rangna ong·atangaha.
Ia awareness program-ko ong·atanio, South West Garo Hills District Administration-ni official-rang bak ra·angtokaha aro ia program-o official-rangna, financial regulation, financial stability aro dongimin niamrangko ja·rikani bidingo RBI Shillong Office-ni official-rang, agan-talate on·angaha.
Ia program-ko ong·atanio dingtangmancha interactive program ba official-rang baksa agangrikanikoba ong·ataha aro iano South West Garo Hills a·jani official-rang, tangka paisarangko jakkalani aro hisaprangko rakkiani bidingo RBI official-rango sing·sandie ra·na cholrangko man·aha.
Mikkangchi iandake financial awareness ba tangka paisarangko koros ka·ani aro hisaprangko rakkiani bidingo sorkari official-rangni gisepo rakkiangna gita bon·kamao South West Garo Hills District Administration aro RBI-ni official-rang ku·rachakgrikangaha.
