SHILLONG: Re·anggipa antio, North Garo Hills a·jani Rangsa song samba jolo donggipa Rongdal chiringoniko atchidaldal me·chik bi·sa saksani manggisiko man·ani ja·man, ia bi·sani ma·a paako sandianio dakchakaniko on·china gita North Garo Hills Police, jolo songdongenggipa manderangko didiataha.
Police official-rangni u·iatani gitade, ia bi·sani manggisiko re·anggipa July-ni 15 tarik pring 9:00 bajimango, Rongdal chiringo balboe dongako nikaha aro ia bi·sani manggisiko man·ani ja·man police-rang, ia bi·sani ma·a paako sandina a·bachengataha.
Ia bi·sani manggisiko man·ani ja·man, manggisiko post mortem ka·na gita North Garo Hills a·jani District Medical & Health Office-na pakwate on·ataha aro post mortem ka·ani ja·man manggisiko, Mendipathar Community Health Centre (CHC)-o donengkua ineba police official-rang parakataha.
