Shillong: Meghalaya sorkari, a·dokni badinggiparang, wholesaler aro commercial taxi salgiparangko covid-ni somoio cholko ra·jachina mikrakataha.
Shillong-o Covid-19-na champenganiko ra·gataonin bostuni damrangko bariatani gimin a·doko sorkari, ge·etaniko on·aha.
Shillong-o challan aro freight charge-ni gimin mirong, dal, chini, to, alu ba uandakgipa bostuni damrang bariaha, ine East Khasi Hills -ni Deputy Commissioner aganaha.
Kobor man·soani gitade nangchongmotgipa bostuni damrang aro local taxi salgiparang damko bariatenga, ineba deputy chief minister Prestone Tynsong aganaha.
Uandake jolni bading-chiwalgiparang aro wholesaler-rangko Prestone Tynsong, dongimin damo bosturangko palaichina gita aganataha.
“Covid-na champengatanio jolni manderang neng·nikako chagronga baksana bostuni damkoba bariata ong·ode, neng·nika bilonga. A·doko lockdown-ko ra·gatjawa aro cha·a-ringanirang chu·onga gitan donga. Deputy commissioner aro food inspector-ko bajar-antio bostuni damrangko nirokchina gita ge·etaha, ine Tynsong aganaha.
Unbaksana a·dokni transport department-ba jolo commercial taxi salgiparangni gari para bate ra·ako nirokna ge·etaha.
Covid-ni somoio lapna rikjachina badinggiparangko Sorkari mikrakata
Date:
Share post:
