TURA: Re·anggipa Budbar salo, Garo Hills Autonomous District Council (GHADC)-ni Chief Executive Membor (CEM) Benedic R Marak, dingtang dingtang dolrang baksa tom·aniko ong·atangenba, maini gimin GHADC-o kam ka·enggiparang kamrangko ka·tokjaengachim aro GHADC-o tangka paisani gita neng·nikanirangko chagrongna nangengani gimin agan-talate on·angaha.
Ia tom·anio GHADC-ni CEM baksana GHADC-ni Chairman Rakesh A Sangma, Deputy CEM Nikman Ch Marak aro Secretary Rikse R Marak-ba dongpae, Nokma Council, Tura Senior Citizens Forum, dingtang dingtang mondolini dilgiparang aro dingtang dingtang NGO-ni dilgiparang baksa apsan chanchirimangaha.
Ia tom·anio GHADC-ni CEM Benedic R Marak, tom·anio bak ra·giparangna district council-o ong·enggipa obostarangni bidingo talataniko on·angengon, GHADC-o dingtanganiko ra·bana gita mai dakgipa ja·kurangko de·enga, uarangni gimin talataniko on·angenba, GHADC-o dingtanganiko ra·bana kamko ka·anio bakrimanirangko on·china dingtang dingtang dolrangko didiangaha.
GHADC-o kam ka·enggiparang, bilsi gittam ong·na sipile an·tangtangni dormaharangko man·tokkujaengani gimin jabri ong·na sipile kamrangko ka·gija jingjengattokengachim ine nikna man·a.
Adita salrangna skangsan GHADC-ni CEM, GHADC-o kam ka·enggiparangko okamenba, tangka paisarangko chu·onga gita man·ahaon, dormaharangko on·e matchotatna jotton ka·gen ine ku·rachakenba, kamrangko ka·piltaichina didiangahachim indiba GHADC-o kam ka·enggiparangna dormaharangko on·ani bidingo a·dokni Chief Minister aro GHADC-ni CEM, seachi ku·rachakaniko on·kujaskal kamrangko ka·jana gita GHADC-o kam ka·enggiparang tik ka·skaahachim.
GHADC-o ong·enggipa obostarangni gimin GHADC-ni CEM talate on·anga
Date:
Share post:
