SHILLONG: Re·anggipa bilsio gitan Meghalaya a·dokni dingtang dingtang biaprango COVID-19 man·e noktangtango nape dongenggipa manderangna a·dok sorkari, pilak nangchongmotgipa bosturangko on·e dakchaktaigen ine u·iataha.
Meghalaya a·dokni Deputy Chief Minister Prestone Tynsong-ni u·iatani gitade, Sombar salo a·dokni Chief Minister Conrad K Sangma-ni dilanichi tom·e chanchirimangenba, a·doko COVID man·e noktangtango nape dongenggipa manderangna nangchongmotgipa bosturangko on·e dakchaktaina sorkari manchiangaha.
“Re·anggipa bilsio gitan a·dokni dingtang dingtang biaprango COVID-19 man·e noktangtango nape dongna nangenggipa manderangna chinga nangchongmotgip bosturangko suale on·angtaigen,” ine Tynsong parakataha.
Deputy Chief Minister-ni parakatani gitade, COVID-19-ko man·e noktangtango nape dongenggipa manderang aro uamangni nokdangrang, dingtang dingtang neng·nikanirangko chagrongna nangtokenga ine nikenba, sorkari COVID man·gipa manderangna nangchongmotgipa bosturangko on·e dakchaktaina tik ka·aha.
Iani bidingo kamrangko jako ra·e COVID man·gipa manderangna bosturangko sokatskachina gita sorkari, dingtang dingtang a·jani deputy commissioner-rangna ge·etaniko on·ataha ineba Deputy Chief Minister parakataha.
