TURA: Garo Hills Autonomous District Council (GHADC)-o kam ka·enggiparang bilsi gittam ong·na sipile dormaharangko man·kujaengani gimin indita jarangna kamrangko ka·gija jingjengatani ja·man da·o GHADC-ni executive committee baksa tom·e chanchirimangtaiani ja·man EC-ni on·enga gitan jabongani dormahako gitcham pay scale-o ra·chakna ku·rachakangaha indiba uamangni man·na nangkuenggipa dormaharangko da·o jagnini gisepon gital pay scale-o on·china executive committee-o dabiangskaaha.
Sukrobar salo Non Gazetted Employees Association (NGEA)-ni membor-rang, GHADC-ni executive committee baksa iani bidingo tom·e chanchirimangtaiaha aro ia tom·anio dingtang dingtang mondolini dilgiparang aro dingtang dingtang NGO-ni dilgiparangba dongpae bakko ra·angaha.
Koborko on·ani gitade, Meghalaya sorkarini dakchake on·atenggipa kror 20 tangkarangchi GHADC-o kam ka·giparangna jabongani dormaharangko gitcham pay scale-o Executive Committee on·na ku·rachakaha aro GHADC-o kam ka·enggiparangba an·tangtangni bangki man·gnirangna niamko done ia dormaharangko ra·chakchengna tik ka·angaha.
GHADC-o kam ka·enggiparang, an·tangtangni jingjengataniko dontonge Sombar sal dipet kamtangtangko ka·anggnok ineba kobor on·aha.
Indake ong·engon, GHADC-o kam ka·enggiparang aro executive committee-ni gisepo meligrikgijaniko namatna man·ahani gimin a·dokni Chief Minister Conrad K Sangma-ba an·tangni kusi ong·aniko parakataha.
“Indita somoirangna GHADC-o meligrikgijanirangko nikna man·ahaoba da·o bon·kame dolgnini gisepo ma·sichakgrikaniona re·baahani gimin anga namen kusi ong·a. Anga bebera·a mikkangchi an·ching ku·cholsan nangrime GHADC-o dingtanganiko ra·bana man·chongmotgen,” ine Chief Minister parakataha.
GHADC-o kam ka·giparang ja 5-ni dormahako ra·chakna ku·rachaka, Sombar dipet kam ka·pilgen
Date:
Share post:
