SHILLONG: Batanggimin konta 24-ni gisep Meghalaya a·dok gimiko sak 497 manderang COVID sabisiko man·daptaiaha aro sak 801 gipinrang COVID-oni nampilskaaha, indakoba saksku manderang COVID sabisio uamangni janggirangko gimaataha.
Batanggimin konta 24-ni gisepo COVID man·gipa sak 497 manderangoni EKH-oni sak 204, WGH-oni sak 102, Ri-Bhoioni sak 49, SWGH-oni sak 36, WJH-oni sak 34, SWKH-oni sak 24, EGH-o sak 17, EJH-o sak 13, WKH-o sak 8, NGH-o sak 5 aro SGH-oni sak 5.
Ia apsan somoion a·dok gimiko sak 801 manderang COVID-oni nampilskaaha, uamangoni
EKH-oni sak 309, WGH-oni sak 129, Ri-Bhoioni sak 118, WJH-oni sak 66, EJH-o sak 33, SWKH-oni sak 33, NGH-o sak 30, WKH-o sak 26, EGH-o sak 26, SWGH-o sak 24 aro SGH-oni sak 7 manderang sabisioni nampilaha.
Unomitingo, saksku manderang COVID man·e mijalo siangtaiaha, uamangoni East Khasi Hills-oni sak 7, West Jaintia Hills aro Ri-Bhoi a·jao sakprak dake siangaha.
Meghalaya a·doko COVID man·giparang gimikchide sak 38,230 ong·ahachim, uamangoni sak 31,781 manderang sabisioni nampilaha, sak 652 manderang sabisio siangaha aro COVID man·enggiparang da·oba sak 5,797 dongengkua.
