TURA: Garo Hills Autonomous District Council (GHADC)-o MDC sakgittamko dingtang dingtang committee-ni chairman dake, GHADC-ni chief executive membor Benedic R Marak-chi dilenggipa NPP-ni executive committee songe on·angaha.
Dingtang dingtang committee-ni chairman-na songako man·gipa MDC sakgittamoni saksade Tribal ong·gijagipa Independent MDC aro sakgnide NPP-ni MDC-rang ong·a.
Koborko on·ani gitade, Nogorpara-ni NPP MDC Linekar K Sangma-ko Garo Hills Growers Association-ni chairman, Gasuapara-ni NPP MDC Sengchim N Sangma-ko Planning Advisory Committee-nj chairman aro Zikzak-ni Independent MDC Aktar Ali-ko Forest Advisory Committee-ni chairman songaha.
