TURA: Meghalaya a·doko Communist Party of India (CPI)-ni saksa dilgipa ong·e kamko ka·anggipa Bharat Sangma-ni sianganina CPI-ni Meghalaya State Council, kalimpaaniko parakataha.
June-ni 12 tariko a·gilsakko watanggipa Bharat Sangma, South Garo Hills a·jani Rongara joloni ong·achim aro ua an·tangni dambemitingonin skigipani kamko wate CPI dolo napenba manderangna dangdike on·angahachim.
“Bharat Sangma saksa CPI-o bakko ra·e a·doko songdongenggipa manderangna an·tangni bil ama gita dangdike on·na jotton ka·aha. Uni sianganichi CPI dol saksa gun gnanggipa dilgipako gimaatani gita ong·aha aro chinga uni kamrangko pangnan gisik ra·kamgen,” ine CPI-ni Meghalaya State Council parakataha.
