SHILLONG: East Jaintia Hills-ni koela a·dam damsao sakbonga manderangni a·sel ong·e gimaani da·o salbonga gapangpilengaha, uamangko naljokatna kamrangko ka·genchimoba da·odipet chu·okna man·kujaenga, indakoba Meghalaya Sorkari naljokatna kam ka·anirangkode dontongkujaenga.
Chief Minister Conrad Sangma-ni aganani gitade, Indian Navy, a·sel ong·gipa biapona sokbaaha aro a·dok sorkari uamangoniko koborrangko senge dongenga.
Indian Navy, koela a·koloniko baditaba chirangko saldoe galaniko nangnikaha aro uagitan kamrangkoba ka·enga ine nikatna man·a.
Gimagiparangko naljokatna kam ka·anirang altuade ong·jaenga maina koela a·koloniko chirangko saldoe galgenchimoba gapdopilaengachim.
Indake naljokatna kam ka·ani chu·sokna man·na gita Sorkari, Navy, NDRF, SDRF aro coal India-koba kamo nangatenga.
‘‘Naljokatna kamrangko ka·anio maiaba bite ba namgnikode man·gen ine ka·dongsoenga’’ ineba Chief Minister aganaha.
