SHILLONG: Meghalaya a·doko batanggimin konta 24-ni gisepo sak 460 manderang COVID-19 sabisiko man·dapaha aro sak 522 manderang COVID-oni nampilskaaha, indake ong·genchimoba sak 6 manderang a·dokni dingtang dingtang biaprango COVID man·e siangdapaha.
Batanggimin konta 24-ni gisepo COVID sabisiko man·dapgiparangoni, East Khasi Hills-o sak 190, West Garo Hills-o sak 67, Ri-Bhoio sak 56, West Jaintia Hills-o sak 47, North Garo Hills-o sak 21, South Garo Hills-o sak 19, West Khasi Hills-o sak 19, East Garo Hills-o sak 14, South West Khasi Hills-o sak 14, South West Garo Hills-o sak 7 aro East Jaintia Hills-o sak 6 manderang COVID sabisiko man·daptaiaha.
Unomitingo ia apsan somoion a·dokni dingtang dingtang biaprango sak 522 manderang COVID-oni nampilskaaha, uamangoni East Khasi Hills-o sak 162, Ri-Bhoio sak 90, West Garo Hills-o sak 60, West Jaintia Hills-o sak 47, East Jaintia Hills-o sak 42, East Garo Hills-o sak 36, North Garo Hills-o sak 27, South West Khasi Hills-o sak 21, South West Garo Hills-o sak 13, West Khasi Hills-o sak 13 aro South Garo Hills-o sak 11 manderang COVID-oni nampilaha.
Indake ong·genchimoba, batanggimin konta 24-ni gisepon sak 6 manderang COVID man·e siangdapaha, uamangoni East Khasi Hills-o sak 4, East Jaintia Hills aro West Jaintia Hills district-rango sakprak.
Meghalaya a·doko COVID sabisiko man·giparang mijalona gimikchi sak 51,035 gapangaha, uamangoni sak 45,596 manderang sabisioni nampiltokaha aro sak 855 manderang siangaha. COVID sae donggiparang a·doko da·o sak 4,584 dongengkua.
