SHILLONG: Union Home Minister Amit Shah, re·baenggipa July-ni 17 tariko Shillong-ona sokbanaba gnang indiba uni a·dokona re·baani somoio ua Inner Line Permit (ILP)-na dabienggipa dolrang baksa agangrikgenma agangrikjawa ukode name talbrekujaenga.
Kobor on·timgiparangni u·iatani gitade, Meghalaya a·dokona re·baani somoio Union Home Minister, Shillong songjinmani oxygen plant-ko kulie on·anggen aro ua Meghalaya Cabinet baksa dingtang dingtang nangchongmotgipa kamrang, jekai Assam aro Meghalaya-ni simao meligrikgijani aro uandakgipa kamrangni gimin agangrikanggen.
Meghalaya a·doko ILP-ko ra·gate on·china dabitokengani gimin ILP-ko dabienggipa dingtang dingtang NGO-rang, Union Home Minister baksa agangrikna cholrangko ra·engachim ine nikna man·a.
Batanggimin somoirangoba Amit Shah-ni re·baani somoirango NGO-rang, uko grongna cholrangko ra·ahachim indiba ua NGO-rangko gronggija uamangni memorandum-kosan ra·e re·angaiahachim.
