SHILLONG: Mongolbar salo a·dokni Chief Minister Conrad K Sangma, Union Finance Minister Nirmala Sitharam-ko New Delhi-o grongenba, a·dokna Externally Aided Project (EAP)-rangni tangka paisarangko chamatchina didiangaha.
Chief Minister-ni parakatani gitade, a·doko ra·gatgipa dingtang dingtang kamrangna ia EAP-rangni tangka paisarangko chame on·atchina gita ua ma·mong sorkariko didiangaha.
Iani bidingo dakchakanirangko on·na gita Union Finance Minister, una ku·rachakaniko on·ataha ineba Sangma parakataha.
“A·doko ra·gatgipa dingtang dingtang kamrangna EAP-rangni tangka paisarangko chamatchina Union Finance Minister Nirmala Sitharam-ko gronge didiangaha. Chingni mol·molaniko knachake, dakchakanirangko on·na ku·rachakatahani gimin anga dingtangmancha uko mittelpila,” ine a·dokni Chief Minister parakataha.
Union Finance Minister-ko grongeani somoio Chief Minister baksana Deputy Chief Minister Prestone Tynsong aro a·dokni Home Minister Lahkmen Rymbui-ba dongpae bak ra·angaha.
M’laya-na EAP-rangko chamatchina Conrad, Union Finance Minister-ko didia
Date:
Share post:
