SHILLONG: A·doko ia bilsi wachikarini mikka bitchiko man·ani haida man·rongbewal gita ba una bate komibate man·gen ine ka·dongsoenga. Wachikarini mikka bitchiko Meghalayao re·anggipa June 6 tarikonin man·engaha.
India Meteorological Department (IMD, Shillong-ni saksa official Robibaro u·iata je karitango man·ronggipa mikka bitchiko Meghalaya re·anggipa June 1 oni July 18-obna 1100.7mm mikka bitchiko man·aha, jean man·rongana baten 19% komibatenga.
Saksa a·gipi official-ni aganani gitade, Meghalayao pangnade June 1 oni July 18 tarikona 1367.1 mm mikka bitchiko man·achim.
July 19 tariko a·doko mikka jimgen ine niksoenga, mongsongbate A·dokni Salgipeng aro Saliram jolo mikka jime wana ka·dongsoenga, aro July 20 oni 22 tarikrango bang·a bang·ja mikka wana gitaba ka·dongsoenga. Indake dongspa biaprangoba bang·a bang·ja mikkarang baksana mikka kimanirang ong·naba donga.
