SHILLONG: Sonibar saloni Robibar salona konta 24-ni gisepo Meghalaya a·dok gimiko sak 589 manderang COVID-19-ko man·daptaiaha aro apsan salon sak 11 manderang COVID man·e siangdapaha.
Robibar salo COVID-19 man·dapgipa sak 589 manderangko channe da·o Meghalaya a·dok gimiko COVID-19 man·e dongenggiparang gimik sak 6043 gapengaha aro ia apsan salon mande sak 11 COVID-19 man·e siangdaptaiahani gimin a·dok gimiko COVID man·e sianggiparangara gimik sak 1096 gapskaengaha.
Robibar salo COVID man·gipa sak 589 manderangoni sak 18-de East Garo Hills-o, sak 7-de East Jaintia Hills-o, sak 233-de East Khasi Hills-o, sak 1-de North Garo Hills-o, sak 49-de Ri Bhoi a·jao, sak 2-de South Garo Hills-o, sak 5-de South West Garo Hills-o, sak 52-de South West Khasi Hills-o, sak 76-de West Garo Hills-o, sak 89-de West Khasi Hills-o aro sak 57-de West Jaintia Hills a·jao ong·a.
Konta 24-ni gisepo COVID man·e sianggipa sak 11 manderangoni sak 8-de East Khasi Hills-o, sak 1-de Ri Bhoi a·jao, sak 1-de West Garo Hills-o aro sak 1-de West Khasi Hills a·jao ong·a.
Ia apsan salon gimik sak 501 manderangde Meghalaya a·dokni dingtang dingtang biaprango COVID-19-oni nampilskana man·aha aro uandaken ia COVID-oni nampilgiparangba gimik sak 58,450 gapskaengaha.
