TURA: Prof. Prabha Shankar Shukla, North-Eastern Hill University-ni gital Vice-Chancellor-na seoka man·ani adita salrangni ja·man mni Sonibar salo Nehu Tura Campus-ona wenbaaha.
Indake, July 31 tariko (Sonibar) Prof. Shukhla Tura-ona wenbae Academic department-ni HOD aro Administration-rangko gronganiko dakaha.
Unbaksana, ua Campus-koba wene nianganaha, indake wenani ja·man campus-o donggipa poraichakgipa building aro poraina gita adita cholrang donganiko nike kusi ong·e rasong on·angaha.
Gital Vice-Chancellor-ni Campus-ona wenbaanina kusi ong·toke University-o skienggipa aro kamko ka·enggiparang NEHU Tura Campus-ko namdapatchina gita Prof Shukhla-na mamlarangko on·e mol·molaha.
2021 bilsini July 27 tariko Prof. Shukhla, watangenggipa gitcham Vice-Chancellor Prof. S.K. Srivastava-ni kamko jako ra·rikskae Vice-Chancellor-ni office-o asongaha.
